4w rt tire michelin pilot sport ev en product in context 1 nosignature 16 slash 9

តើលោកអ្នកកំពុងត្រូវការសំបកកង់ដែលសក្ដិសមសម្រាប់រថយន្តអគ្គិសនីរបស់លោកអ្នកមែនទេ?

ស្វែងយល់លម្អិតអំពីសំបកកង់ដែលសក្ដិសមសម្រាប់រថយន្តអគ្គិសនីរបស់លោកអ្នក និងអត្ថប្រយោជន៍របស់សំបកកង់ចំពោះចម្ងាយបើកបរ ការប្រើប្រាស់ថាមពល និងបទពិសោធន៍បើកបរ។

តើលក្ខណៈបើកបរអ្វីខ្លះដែលទាមទារឱ្យមានសំបកកង់ដែលមានសមត្ថភាពពិសេស?

លក្ខណៈទី១ រថយន្តអគ្គិសនីមានអាគុយធ្ងន់ ដូច្នេះវាត្រូវការសំបកកង់ដែលអាចទ្រទម្ងន់ធ្ងន់បាន។ ទោះបីជាអាគុយជាអ្នកផ្ទុកថាមពលក៏ដោយ ក៏ម៉ូទ័រអគ្គិសនីជាគ្រឿងដែលផ្ដល់នូវកម្លាំងរត់ភ្លាមៗទៅកាន់កង់ (និងមិនមានសំឡេងនៅក្នុងរថយន្ត!)។ សម្រាប់រថយន្តអគ្គិសនី ពេលដែលអ្នកជាន់ហ្គែរភ្លាម គឺរថយន្តមានថាមពលអាចដំណើរការបាន 100% ភ្លាមៗដែរ។ នេះមានន័យថាការផ្ទេរថាមពលដំណើរការគឺលឿនជាង ហើយខ្លាំងជាងរថយន្តប្រើម៉ាស៊ីនសាំង ឬម៉ាស៊ូតធម្មតា។ លក្ខណៈនេះក៏ជាកត្តាជះឥទ្ធិពលដល់កំរិតសំណឹកនៃសំបកកង់ផងដែរ។

សំបកកង់ Michelin បានគិតគូរពិចារណាលើចំណុចនេះនៅក្នុងការរចនាគ្រោងសំបកកង់ ក៏ដូចជាវត្ថុធាតុប្រើប្រាស់សម្រាប់ផលិត។

លក្ខណៈទី២នោះគឺសំឡេង។ រថយន្តអគ្គិសនីគឺស្ងាត់មែនទេ? ដោយមិនមានសំឡេងរំខានដូចម៉ាស៊ីនចំហេះទេ ដូចនេះនៅក្នុងរថយន្តអគ្គិសនីយើងអាចឮសំឡេងសំបកកង់កាន់តែច្បាស់ពេលបើកបរលើផ្លូវ។ ដូច្នេះ ក្រុមហ៊ុនផលិតត្រូវតែផលិតសំបកកង់ណាដែលមានសំឡេងតិចបំផុត។ ដូច្នេះ សំឡេងរំខាននៅក្នុងរថយន្តក៏កាត់បន្ថយបានច្រើនផងដែរ។ ឧទាហរណ៍៖ នៅក្នុងវង់ភ្លេងមួយ នៅពេលដែលអ្នកមានស្គរ និងខ្លុយលេងជាមួយគ្នា ភាគច្រើនអ្នកនឹងឮតែស្គរ។ ប៉ុន្តែនៅពេលឈប់វាយស្គរ សំឡេងខ្លុយបន្លឺឡើងកាន់តែច្បាស់។ វាដូចគ្នាទៅនឹងពេលដែលយើងផ្លាស់ប្ដូរទៅប្រើរថយន្តអគ្គិសនីដែរ៖ ម៉ាស៊ីនប្រើកម្លាំងចំហេះដែលបង្កើតសំឡេងរំខានភាគច្រើន គឺត្រូវបានជំនួសដោយម៉ូទ័រអគ្គិសនីដែលស្ទើរតែគ្មានសំឡេង ដែលធ្វើឱ្យសំឡេងរបស់សំបកកង់ឮកាន់តែច្បាស់ជាងមុន។

ដោយសារតែមូលហេតុនេះហើយ ទើបបច្ចេកវិទ្យាសំឡេងប្រកបដោយភាពច្នៃប្រឌិតរបស់ Michelin ដែលប្រើប្រាស់នៅលើសំបកកង់មួយចំនួនរបស់យើង កាត់បន្ថយកម្រិតសំឡេងរំខាននៅក្នុងរថយន្តបានរហូតដល់ 20%។ (1) សំឡេងរំខានតិចនេះ ធ្វើឱ្យបទពិសោធន៍បើកបររបស់លោកអ្នកកាន់តែរីករាយ ជាពិសេសនៅពេលបើកបរលើផ្លូវហាយវេ។

លក្ខណៈទី៣ដែលពិសេសនៃរថយន្តអគ្គិសនីនោះគឺអាគុយ និងរយៈចម្ងាយ ដែលចាំបាច់ត្រូវតែគិតគូរពិចារណា ជាពិសេសនៅពេលបើកបរផ្លូវឆ្ងាយ។ ជាមួយនឹងបច្ចេកវិទ្យា Rolling Resistance សំបកកង់ក៏ជាផ្នែកមួយក្នុងការសន្សំសំចៃការប្រើប្រាស់ថាមពលអគ្គិសនីផងដែរ។ យើងនឹងឃើញនៅខាងក្រោមនេះ ថាសំបកកង់របស់យើងមានសមត្ថភាពខ្ពស់បំផុតនៅក្នុងការជួយសន្សំសំចៃថាមពល។

តើសំបកកង់ Michelin ជួយសន្សំសំចៃថាមពលអាគុយបានដូចម្ដេច?

liv mich pilotsportev closeup master v04 njo

ការបំពាក់សំបកកង់រថយន្តឱ្យត្រូវជាមួយនឹងរថយន្តអគ្គិសនីរបស់លោកអ្នក ជួយឲ្យលោកអ្នកអាចប្រើប្រាស់អាគុយដែលមានរយៈពេលប្រើប្រាស់យូរបំផុតទៅតាមអាយុកាលរបស់វា។

តើសំបកកង់ Michelin ជួយបង្កើនចម្ងាយបើកបរបានដូចម្ដេច? សូមចងចាំថា ដើម្បីធ្វើឱ្យវត្ថុផ្លាស់ទីបាន អ្នកត្រូវការផ្ដល់ថាមពលដល់វត្ថុនោះ។ ហើយនៅចន្លោះថាមពលដែលវត្ថុនោះបានទទួល​ និងថាមពលដែលវត្ថុនោះផ្ដល់ត្រលប់ទៅវិញក្នុងទម្រង់ជាចលនា គឺតែងតែមានកំហាតថាមពលមួយចំនួនជានិច្ច ដោយការភាយចេញជាកម្ដៅ ព្រោះសំបកកង់ត្រូវផ្ទេរថាមពលខ្លះទៅលើផ្ទៃផ្លូវ។ លក្ខណៈនេះហៅថា rolling resistance។

នៅ Michelin យើងបានអភិវឌ្ឍន៍សំបកកង់ ដែលអាចជួយយកាត់បន្ថយការបាត់បង់ថាមពល ដើម្បីជួយបង្កើនប្រសិទ្ធភាពថាមពល និងកាត់បន្ថយការប្រើប្រាស់ថាមពលដែលមិនចាំបាច់នានា។ ហើយចំពោះរថយន្តអគ្គិសនីវិញ កាលណារថយន្តសន្សំសំចៃថាមពលបានកាន់តែច្រើន រថយន្តមានរយៈចម្ងាយបើកបរកាន់តែឆ្ងាយ!

យើងអាចនិយាយបានម្យ៉ាងទៀតថា រថយន្តអាចបើកបរបានឆ្ងាយជាងចំពោះការសាកថ្មតែម្ដងដូចគ្នា។

តើរថយន្តអគ្គិសនីធ្វើឱ្យសំបកកង់ឆាប់សឹករេចរឹលមែនដែរឬទេ?

ចំណុចខុសគ្នាចម្បងរវាងរថយន្តអគ្គិសនី និងរថយន្តប្រើប្រងសាំងឬម៉ាស៊ូត គឺជាការផ្ទេរបន្ទុកឌីណាមិក និងការបង្កើនកម្លាំងបង្វិលដែលមានទំនាក់ទំនងទៅនឹងប្រភេទម៉ាស៊ីនទាំងពីរនេះ។ លក្ខណៈនេះគឺជាបញ្ហាប្រឈមមួយសម្រាប់ក្រុមហ៊ុនផលិតសំបកកង់ ដោយសារតែកាលណាទម្ងន់ផ្ទុក និងកម្លាំងបង្វិលកើនឡើង វាទាមទារឱ្យមានសំបកកង់កាន់តែរឹងមាំនៅផ្នែកចំហៀងសងខាង (រឹងមាំនៅគែមសំបកកង់) ដើម្បីរក្សាបាននូវការគ្រប់គ្រងរថយន្តបានល្អនៅកម្រិតសំខាន់បំផុត មានការខាំជាប់នឹងផ្លូវបានល្អ ដើម្បីឱ្យរថយន្តស្ទុះបានដល់កម្រិតអតិបរិមា និងមានកម្រឹតសំណឹកកាត់តែតិច ដើម្បីឲ្យសំបកកង់មានអាយុកាលប្រើប្រាស់យូរអង្វែងសម្រាប់ការបើកបរបានឆ្ងាយ។

ទម្ងន់អាគុយគឺជាបញ្ហាចោទដ៏សំខាន់មួយសម្រាប់រថយន្តអគ្គិសនីប្រភេទស្ព័រ។ ប្រសិនបើអ្នកមានម៉ូទ័រអគ្គិសនីដែលមានកម្លាំងខ្លាំង អ្នកនឹងត្រូវការអាគុយដែលខ្លាំងផងដែរ ដែលនាំឱ្យទម្ងន់នៃរថយន្តទាំងមូលកើនឡើង។ ទម្ងន់មធ្យមសម្រាប់អាគុយនៅក្នុងរថយន្តអគ្គិសនីប្រភេទស្ព័រ គឺ 400 គីឡូក្រាម។

បច្ចុប្បន្ន ក្រុមហ៊ុនផលិតរថយន្តស្នើឡើងនូវរថយន្តអគ្គិសនីចំនួនពីរប្រភេទ៖

  • រថយន្តធម្មតាដែលកែច្នៃទៅជារថយន្តអគ្គសនី
  • រថយន្តតម្លើងថ្មីទាំងអស់


ក្នុងករណីជារថយន្តធម្មតាកែច្នៃទៅជារថយន្តអគ្គិសនី ជាទូទៅទំហំសំបកកង់មិនមានការប្រែប្រួលខ្លាំងនោះទេ បើធៀបទៅនឹងរថយន្តប្រើប្រេងសាំងឬម៉ាស៊ូត។ ដូច្នេះ សំបកកង់បំពាក់នៅលើរថយន្តកែច្នៃទៅជារថយន្តអគ្គិសនី អាចនឹងសឹករេចរឹលលឿនជាងធៀបជាមួយកាលពីនៅមិនទាន់តែច្នៃ។

សម្រាប់រថយន្តអគ្គិសនីដែលមានគ្រឿងក្រោមថ្មីទាំងអស់ ម៉ាស និងកម្លាំងរមួល គឺត្រូវបានគិតគូរតាំងពីដំបូង ដោយទំហំសំបកកង់គឺត្រូវបានលៃតម្រូវ និងជាទូទៅខ្ពស់ជាងមុន និងជួលកាលតូចជាងសំបកកង់បំពាក់លើរថយន្តប្រើម៉ាស៊ីនចំហេះក្នុង។ ដូច្នេះ ការសឹករេចរឹលនៃសំបកកង់នៅលើរថយន្តអគ្គិសនី គឺមានលក្ខណៈស្រដៀងគ្នាទៅនឹងរថយន្តប្រើម៉ាស៊ីនចំហេះក្នុងដែរ។

តើសំបកកង់ Michelin ប្រភេទណាដែលខ្ញុំគួរជ្រើសរើសសម្រាប់រថយន្តអគ្គិសនីរបស់ខ្ញុំ?

ស្របពេលដែលសំបកកង់ Michelin ទាំងអស់គឺសុទ្ធតែសមស្របសម្រាប់រថយន្តអគ្គិសនីក្ដី ក៏មានសំបកកង់មួយចំនួនទៀតដែលត្រូវគ្នាសម្រាប់តម្រូវការបើកបរជាក់លាក់ផងដែរ។

អ្នកបើកបររថយន្តស្ព័រចង់បានសន្ទុះលឿន ការបញ្ជូនកម្លាំងបង្វិលបានល្អ និងអាចបញ្ជាចង្កូតបានយ៉ាងល្អបំផុត។ ប្រសិនបើអ្នកជាអ្នកបើកបរបែបនេះ នោះសំបកកង់ MICHELIN Pilot Sport EV ដែលរចនាឡើងជាពិសេសសម្រាប់តម្រូវការនេះ គឺជាជម្រើសដ៏ល្អបំផុតសម្រាប់អ្នក។

អ្នកបើកបររថយន្តសេដាន់គឺផ្ដល់អាទិភាពទៅលើសុវត្ថិភាព និងផាសុកភាពនៃការបើកបរជាង។ ប្រសិនបើអ្នកជាអ្នកបើកបរបែបនេះ នោះអ្នកអាចជ្រើសរើសសំបកកង់ MICHELIN e.Primacy ដែលរចនាឡើងសម្រាប់អ្នកបើកបរបែបនេះ។

តើខ្ញុំអាចពន្យារអាយុកាលប្រើប្រាស់នៃសំបកកង់រថយន្តអគ្គិសនីរបស់ខ្ញុំបានដូចម្ដេច?

4w rt tire michelin pilot sport ev en product in use nosignature 16 slash 9

ដូចគ្នាទៅនឹងសំបកកង់ផ្សេងទៀតដែរ មានមធ្យោបាយចំនួនពីរដែលអ្នកអាចការពារសំបកកង់រថយន្តអគ្គិសនីរបស់អ្នកបាន ហើយមធ្យោបាយនេះជួយនឹងពន្យារអាយុកាលប្រើប្រាស់៖ ការថែទាំ និងស្តាយនៃការបើកបរ។

ការថែទាំសំបកកង់រថយន្តអគ្គិសនី រួមមានការតាមដានត្រួតពិនិត្យសម្ពាធខ្យល់ ការតម្រង់កង់ និងសំណឹក។ សម្ពាធខ្យល់គួរតែលៃតម្រូវឱ្យស្របតាមបន្ទុកដឹករបស់រថយន្ត។ ប៉ុន្តែ តើធ្វើយ៉ាងណាទើបដឹងថាជាសម្ពាធខ្យល់នៃសំបកកង់គ្រប់គ្រាន់សមល្មម? ងាយទេ! រថយន្តមាននូវស្ទិកគ័រមួយដែលបិទដោយក្រុមហ៊ុនផលិត ជារឿយៗបិទនៅលើទ្វាររបស់អ្នកបើកបរ ឬគម្របឥន្ធនៈ ដែលបង្ហាញអំពីសម្ពាធដែលណែនាំសម្រាប់ទំហំសំបកកង់ជាក់លាក់។ នៅលើស្ទិកគ័រនេះក៏មានការណែនាំស្របតាមបន្ទុកដឹករបស់រថយន្តផងដែរ។

ការបើកបរសន្សំសំចៃ គឺជាការលើកឡើងមួយដែលយើងបានឮកាន់តែញឹកញាប់នាពេលបច្ចុប្បន្ន ហើយវាមានមូលហេតុដ៏ល្អនៅពីក្រោយ។ ដោយមាននូវគោលបំណងកាត់បន្ថយការប្រើប្រាស់ថាមពល របៀបបើកបរដែលត្រូវ មិនត្រឹមតែជួយបង្កើនរយៈចម្ងាយបើកបររបស់រថយន្តអគ្គិសនីឱ្យដល់កម្រិតអតិបរិមាប៉ុណ្ណោះទេ​ តែវាថែមទាំងជួយរក្សាគុណភាព និងសមត្ថភាពរបស់សំបកកង់ឱ្យបានល្អប្រសើរផងដែរ។

ជារួម របៀបបើកបរគឺមានសារៈសំខាន់ជាពិសេសនៅក្នុងការបង្កើនអាយុកាលសំបកកង់របស់អ្នកឱ្យដល់កម្រិតអតិបរិមា។ ប្រើប្រាស់ហ្គែរក្នុងកម្រិតមធ្យម និងថ្នមៗ សាកថ្មចូលអាគុយវិញដោយការជាន់ហ្វ្រាំង។ បត់ផ្លូវកែងដោយប្រុងប្រយ័ត្នខ្ពស់។ ទាំងនេះគឺជាមធ្យោបាយដ៏ល្អបំផុតក្នុងការបង្កើនរយៈចម្ងាយបើកបររបស់អាគុយ និងអាយុកាលប្រើប្រាស់នៃសំបកកង់រថយន្តអគ្គិសនីរបស់លោកអ្នក។

ជាចុងក្រោយ យើងជឿជាក់ថាលោកអ្នកនឹងស្វែងរកសំបកកង់ដ៏ត្រឹមត្រូវដែលសមស្របសម្រាប់រថយន្ត និងការបើកបររបស់លោកអ្នក ដោយគ្រាន់តែសាកសួរទៅកាន់ក្រុមហ៊ុនរថយន្ត និងតំណាងចែកចាយរបស់សំបកកង់ Michelin។

Find the right tyre for your ...

Start your search

មើលអត្ថបទពាក់ព័ន្ធផ្សេងទៀត

កំណត់សម្គាល់ផ្នែកច្បាប់

 

(1) ការវាស់សំឡេងខាងក្នុង បានធ្វើឡើងនៅឆ្នាំ2016 ទៅលើសំបកកង់ទំហំ 245/45 R19 បំពាក់លើរថយន្ត KIA Cadenza។ កម្រិតសំឡេងដែលបានវាស់គឺស្ថិតនៅចន្លោះ "170-230Hz"។ លទ្ធផលអាចមានភាពខុសគ្នាអាស្រ័យទៅលើរថយន្ត ប្រភេទ និងទំហំសំបកកង់ ល្បឿន និងស្ថានភាពផ្លូវ។

(2) - ប្រភេទសំបកកង់ MICHELIN e·PRIMACY គឺត្រូវបានកំណត់ថាជាសំបកកង់រដូវក្ដៅប្រណីតមួយក្នុងចំណោមម៉ាកសំបកកង់ដូចជា CONTINENTAL, GOODYEAR, BRIDGESTONE, PIRELLI, DUNLOP និងមិនមែនផលិតឡើងផ្ដាច់មុខសម្រាប់ប្រើប្រាស់ជាមួយឧបករណ៍ដើម (Original Equipment) នោះទេ (ឧ. មិនមែនផលិតឡើងដើម្បីបំពេញតាមគោលដៅជាក់លាក់របស់ក្រុមហ៊ុនផលិតរថយន្តទេ) ប៉ុន្តែជាសំបកកង់ដែលអាចរកទិញបាននៅតាមដេប៉ូលក់រាយបាន។

បង្កើនរយៈចម្ងាយបើកបររបស់រថយន្តអគ្គិសនី និងកាត់បន្ថយការបញ្ចេញឧស្ម័ន CO₂ - នៅពេលសំបកកង់នេះនៅថ្មី MICHELIN e·PRIMACY ផលិតកម្រិតរអិល 2kg/t ជាមធ្យមដែលទាបជាងគូប្រជែង ដែលស្មើទៅនឹងការកាត់បន្ថយការប្រើប្រាស់ឥន្ធនៈរហូតដល់ 0.21l/100km ដែលស្មើនឹងការកាត់បន្ថយការបញ្ចេញឧស្ម័ន CO2 បានរហូតដល់ 5g សម្រាប់ VW Golf 7 1.5 TSI ឬស្មើនឹងការទទួលបានស្វ័យប្រវត្តិកម្មរហូតដល់ 7% សម្រាប់ VW e.Golf។

(3) - ការសិក្សាខាងក្នុងអំពីកម្រិតរអិល ដែលបានធ្វើឡើងនៅលើម៉ាស៊ីននៅខែតុលា ឆ្នាំ2020 នៅលើសំបកកង់ទំហំ 255/45 R19 ដោយប្រៀបធៀបសំបកកង់ MICHELIN Pilot Sport EV (6.7kg/t) ធៀបនឹងសំបកកង់ MICHELIN Pilot Sport 4 SUV (8.8kg/t)។ សម្រាប់រថយន្តអគ្គិសនីដែលមានម៉ាស 2151kg មានស្វ័យប្រវត្តិកម្ម 540km ដែលគម្លាតនៃការបើកបរ 2.1kg/t នេះជំរុញឱ្យទទួលបាននូវស្វ័យប្រវត្តិកម្មលើសពី 60km ឬច្រើនជាងរយៈចម្ងាយបើកបរដើម ជាង 10%។

You are using an unsupported web browser
You are using a website browser that is not supported by this website. This means that some functionnality may not work as intented. This may result in strange behaviors when browsing round. Use or updgrade/install one of the following browsers to take full advantage of this website