យើងចាត់វិធានការដើម្បីកាត់បន្ថយផលប៉ះពាល់បរិស្ថាន| MICHELIN

យើងនាំមុខគេឆ្ពោះទៅរកចល័តភាពដែលកាត់បន្ថយផលប៉ះពាល់បរិស្ថាន⁽¹⁾ តាមរយៈការបង្កើតផលិតផល និងដំណោះស្រាយដើម្បីធ្វើឱ្យចល័តភាពកាន់តែមានសុវត្ថិភាព ងាយស្រួលចេញចូល និងមានប្រសិទ្ធភាព។

ការច្នៃប្រឌិតដើម្បីរចនាសំបកកង់ជំនាន់ថ្មី

យើងអនុវត្តតាមវិធីសាស្រ្តរចនាបែបធម្មជាតិ ដើម្បីធ្វើការវាយតម្លៃផលប៉ះពាល់បរិស្ថាននៃសំបកកង់របស់យើង នៅគ្រប់ដំណាក់កាលទាំងអស់នៅក្នុងវដ្ដជីវិតរបស់វា(2) ដើម្បីកាត់បន្ថយផលប៉ះពាល់ជារួម ហើយក្នុងពេលនោះដែរ ត្រូវរក្សា ឬពង្រឹងគុណភាពសំបកកង់ដើម្បីដំណើរការបន្ថែមទៀត។

ប្រឆាំងនឹងកាកសំណល់ តាមរយៈការរចនាសំបកកង់ដែលផលិតឡើងដើម្បីប្រើជាប់បានយូរ

ការផ្លាស់ប្ដូរពិតប្រាកដ គឺការមិនងាយផ្លាស់ប្ដូរសំបកកង់។ បន្តការធ្វើដំណើរបានកាន់តែយូរដោយពឹងលើឈុតសំបកកង់របស់លោកអ្នក។ ការប្ដេជ្ញាចិត្តរបស់យើង គឺដើម្បីធានាថា លោកអ្នកមានបទពិសោធនៃការបើកបរបានឆ្ងាយ និងមានសុវត្ថិភាព⁽³⁾ចាប់ពីចម្ងាយផ្លូវដំបូងរហូតដល់ចម្ងាយផ្លូវចុងក្រោយ⁽⁴⁾ ដោយមានសំបកកង់ដែលបានរចនាឡើងដើម្បីទទួលបានការទុកចិត្ត(⁵⁾ រហូតដល់ដែនកំណត់សំណឹកត្រឹមត្រូវ។

កាត់បន្ថយការស៊ីសាំង និងការបញ្ចេញឧស្ម័ន CO₂ ពីយានយន្ត

ការស៊ីសាំងតិច គឺដោយសាររ៉េស៊ីស្ដង់រង្វិលទាប។ ចាប់តាំងពីសំបកកង់ MICHELIN សន្សំសំចៃថាមពលនៅក្នុងឆ្នាំ1992 មក យើងបានដាក់ឱ្យដំណើរការសំបកកង់រថយន្តប្រាំមួយជំនាន់រួចហើយ ដោយមានការបង្កើនសមត្ថភាពសន្សំសំចៃថាមពល៖ ក្នុងរយៈពេល 30 ឆ្នាំ យើងបានបែងចែងរ៉េស៊ីងស្ដង់រង្វិលជាពីរ សម្រាប់ស្រឡាយសំបកកង់រថយន្តទេសចរណ៍ឈានមុខគេ។⁽⁶⁾

ការវិនិយោគលើការកែច្នៃប្រើប្រាស់ឡើងវិញ ដើម្បីកែច្នៃកាកសំណល់ឱ្យទៅជាសំបកកង់

ការបង្កើតសំបកកង់ដោយប្រើប្រអប់ទឺកដោះគោជូ ឬដបផ្លាស្ទិក។ ការច្នៃប្រឌិតក្នុងវត្ថុធាតុដែលមានប្រភពពីជីវវត្ថុធាតុ និងវត្ថុធាតុដែលបង្កើតជាថ្មី នឹងអនុញ្ញាតឱ្យយើងកែច្នៃកាកសំណល់បានជារៀងរាល់ថ្ងៃ⁽⁷⁾ ទៅជាវត្ថុធាតុសម្រាប់ផលិតសំបកកង់ថ្មី ក្នុងចំណោមផលិតផលថ្មីៗដទៃផ្សេងទៀត។ ហើយត្រឹមឆ្នាំ2030 គោលដៅរបស់យើង គឺដើម្បីប្រើប្រាស់វត្ថុធាតុកែច្នៃឡើងវិញចំនួន 13.5 លានតោន នៅក្នុងសំបកកង់របស់យើង។⁽⁸⁾

សំបកកង់រចនាបែបធម្មជាតិដំបូងគេរបស់យើង៖ MICHELIN e.Primacy

MICHELIN e.PRIMACY គឺជាសំបកកង់ MICHELIN រចនាបែបធម្មជាតិដំបូងគេបង្អស់ ដែលការវាយតម្លៃវដ្ដជីវិតរបស់វាត្រូវបានដាក់បញ្ចូលនៅក្នុងការរចនាសំបកកង់នេះ ហើយវាក៏ជាសំបកកង់ដំបូងគេនៅលើទីផ្សារដែលបានចុះផ្សាយដោយសេចក្ដីប្រកាសព័ត៌មានអំពីផលិតផលបរិស្ថាន (Environmental Product Declaration, EPD)។

សំបកកង់រថយន្តគឺមានវត្ថុធាតុប្រកបដោយនិរន្តរភាព 45%⁽⁹⁾

ក្នុងខែតុលា ឆ្នាំ2022 យើងបានដាក់បង្ហាញនូវសំបកកង់ដែលមានវត្ថុធាតុប្រកបដោយនិរន្តរភាព 45% ដែលបានអនុម័តឱ្យប្រើប្រាស់សម្រាប់ផ្លូវកៅស៊ូ។
សំបកកង់មានកម្រិតដំណើរការប្រហាក់ប្រហែលនឹងសំបកកង់បច្ចុប្បន្ននេះ⁽¹⁰⁾។ យើងកំពុងធ្វើបានយ៉ាងល្អដើម្បីសម្រេចនូវគោលដៅបណ្ដោះអាសន្ននៃជីវវត្ថុធាតុ ឬវត្ថុធាតុដើមកែច្នៃប្រើប្រាស់ឡើងវិញចំនួន 40%⁽¹¹⁾ នៅទូទាំងខ្សែសង្វាក់សំបកកង់ទាំងអស់ត្រឹមឆ្នាំ2030 ឆ្ពោះទៅរកគោលដៅ 100% ត្រឹមឆ្នាំ2050។

សំបកកង់ម៉ាក MICHELIN UPTIS prototype

សំបកកង់ម៉ាក MICHELIN UPTIS prototype⁽¹²⁾ គឺជាដំណោះស្រាយបង្គំគ្មានខ្យល់ (សំបកកង់ និងយ៉ាន់) សម្រាប់រថយន្តគ្រួសារ។ វាកាត់បន្ថយហានិភ័យនៃការបែកកង់ និងបញ្ហាដោយសារកង់ធូរ ដែលកើតចេញពីការធ្លុះធ្លាយ ឬឧបសគ្គនៅលើដងផ្លូវ និងកាត់បន្ថយផលប៉ះពាល់បរិស្ថាន។

គោលគំនិតចក្ខុវិស័យ សំបកកង់ផលិតពីវត្ថុធាតុមាននិរន្តរភាព 100%

ដាក់ចេញក្នុងឆ្នាំ2017 គោលគំនិតចក្ខុវិស័យនេះ រួមមានទាំងយ៉ាន់ និងសំបកកង់គ្មានខ្យល់។

គោលគំនិតចក្ខុវិស័យអំពីក្រឡាសំបកជីវប្រភព ភ្ជាប់គ្នា និងមានការកែច្នៃប្រើប្រាស់ឡើងវិញ ដែលផ្ដល់នូវគំរូយ៉ាងល្អនៃការអភិវឌ្ឍប្រកបដោយចីរភាពរបស់យើង នឹងជួយផ្លាស់ប្ដូរសំបកកង់ចន្លោះពេលពីឥឡូវនេះដល់ឆ្នាំ2050 ហើយសម្រេចបានកម្មវត្ថុនៃសំបកកង់ដែលផលិតពីវត្ថុធាតុមានប្រភពពីជីវសាស្រ្ត ឬកែច្នៃប្រើប្រាស់ឡើងវិញ 100% ត្រឹមឆ្នាំ2050។

សំបកកង់ផលិតពីវត្ថុធាតុមានប្រភពពីជីវសាស្រ្តនិងវត្ថុធាតុកែច្នៃប្រើប្រាស់ឡើងវិញ 50%

យើងបានផលិតសំបកកង់ប្រណាំងដែលមានវត្ថុធាតុដើមមានប្រភពពីជីវសាស្រ្តនិងវត្ថុធាតុកែច្នៃប្រើប្រាស់ឡើងវិញ 53% រួចជាស្រេចហើយ។ សំបកកង់នេះស័ក្តិសមនឹងរថយន្ត GreenGT H24 hydrogen-powered prototype ជារថយន្តដែលផលិតសម្រាប់ការប្រណាំងលើភាពធន់ ក៏ដូចជាលើរថយន្ត Porsche GT4 ePerformance ផងដែរ។ សំបកកង់ដែលមានដំណើរការខ្ពស់នេះ បង្ហាញថា បច្ចេកវិទ្យាបង្អាក់នៅតែអាចដំណើរការបានក្នុងស្ថានភាពប្រណាំងលំបាកខ្លាំងក៏ដោយ។

សំបកកង់ដែលមាននិរន្តរភាព កំពុងទទួលបានជោគជ័យហើយ!

យើងបានបង្កើតសំបកកង់ WorldCup MotoE ដោយរួមបញ្ចូលនូវវត្ថុធាតុជាមធ្យម 40%⁽¹⁰⁾ នៃវត្ថុធាតុមានប្រភពពីជីវសាស្រ្ត សម្រាប់រដូវកាលនោះ ហើយក្នុងពេលនោះដែរក៏ផ្ដល់ជូននូវកម្រិតនៃដំណើរការខ្ពស់។ សំបកកង់នេះបំពាក់លើម៉ូតូប្រណាំងចំនួន 18 ក្នុងអំឡុងការប្រណាំងចំនួន 12 ដង នៃរដូវកាល MotoE ឆ្នាំ2022។

ការធ្វើឱ្យចល័តភាពអ៊ីដ្រូសែនក្លាយជាការពិត

ក្នុងរយៈពេល 20 ឆ្នាំកន្លងមកនេះ យើងបានធ្វើការងារពាក់ព័ន្ធនឹងអ៊ីដ្រូសែន។ យើងជឿជាក់ថា ចល័តភាពអ៊ីដ្រូសែននឹងក្លាយជាសមាសធាតុដ៏សំខាន់មួយនៃចល័តភាពស្អាត ដោយបំពេញបន្ថែមទៅឱ្យអាគុយអគ្គិសនី។

ការជំរុញការសិក្សាអំពីម្ហូបអាហារប្រកបដោយនិរន្តរភាព

មគ្គទេសក៍ MICHELIN ប្ដេជ្ញាចិត្តក្នុងការគាំទ្រដល់ការសិក្សាអំពីម្ហូបអាហារប្រកបដោយនិរន្តរភាព។ ពានរង្វាន់ Green Stars ចាប់ផ្ដើមក្នុងឆ្នាំ2020 គឺជាពានរង្វាន់ថ្មីមួយសម្រាប់មេចុងភៅដែលជួយធ្វើឱ្យការសិក្សាពីម្ហូបអាហារកាន់តែមានការទទួលខុសត្រូវ ដោយធ្វើឱ្យបែបផែនជីវិតរបស់អតិថិជនខ្លួនកាន់តែមាននិរន្តរភាព។

ការដឹកជញ្ជូនតាមសមុទ្រដែលកាត់បន្ថយកាបូន

គម្រោង Wing Sail Mobility (WISAMO) គឺជាប្រព័ន្ធទូកក្ដោងស្វ័យប្រវត្តិ ប្រើកែវយឺត បញ្ចូលខ្យល់ ដែលស័ក្តិសមសម្រាប់កប៉ាល់ជំនួញ និងកប៉ាល់កម្សាន្ត។ ការរចនាបែបថ្មី ធ្វើឱ្យកប៉ាល់កាត់បន្ថយការស៊ីប្រេង និងការបញ្ចេញឧស្ម័ន CO2។

ការអភិរក្សជីវចម្រុះ

ក្នុងឆ្នាំ2004 ក្រុមនេះបានបង្កើតកន្លែងអភិរក្សអេកូឡូស៊ី Michelin ជាផ្នែកមួយនៃកម្មវិធី Ouro Verde Bahia ដែលជាគំនិតផ្ដួចផ្ដើមអភិវឌ្ឍប្រកបដោយចីរភាព ដែលមានគោលបំណងក្នុងការធ្វើតេស្តគំរូផលិតកម្មកៅស៊ូធម្មជាតិ និងជំរុញកំណើនសេដ្ឋកិច្ច និងការអភិវឌ្ឍសង្គម និងការអភិរក្សជីវចម្រុះ។

ទុកចិត្តលើ MICHELIN សម្រាប់ជីវិតធ្វើដំណើរកាន់តែប្រសើរ

សំបកកង់របស់យើងទទួលបានការជឿទុកចិត្តពីអ្នកដែលមានតម្រូវការខ្ពស់ អតិថិជន ក្រុមហ៊ុនផលិត អ្នកបើកបររថយន្តប្រណាំង ហើយអ្នកដឹកនាំទស្សនៈគន្លឹះចង់បានផលិតផលរបស់យើង។

នាំមុខគេក្នុងផ្នែកចល័តភាពអគ្គិសនី

យើងស្ថិតនៅជួរមុខគេខាងចល័តភាពអគ្គិសនី។ វិស្វកររបស់យើងបានធ្វើការយ៉ាងជិតស្និទ្ធជាមួយក្រុមហ៊ុនផលិតរថយន្ត ម៉ូតូស្គូទ័រ និងកង់ ដើម្បីធ្វើការរចនាសំបកកង់ដែលមានដំណើរការល្អបំផុតសម្រាប់ម្ចាស់រថយន្តអគ្គិសនី។

ការអភិវឌ្ឍប្រកបដោយចីរភាព និងចល័តភាព

ទំនួលខុសត្រូវសង្គមរបស់ក្រុមនេះ ត្រូវបានបង្ហាញឱ្យឃើញតាមរយៈយុទ្ធសាស្រ្តការអភិវឌ្ឍប្រកបដោយចីរភាព និងចល័តភាពរបស់ខ្លួន។ វាមានគោលបំណងធ្វើឱ្យ Michelin ក្លាយជាក្រុមហ៊ុនដែលមានការច្នៃប្រឌិត ទំនួលខុសត្រូវ និងមានសកម្មភាពខ្លាំងក្លាជាងគេ នៅទូទាំងពិភពលោកនៅក្នុងផ្នែកដែលខ្លួនទទួលខុសត្រូវ៖ សេដ្ឋកិច្ច បរិស្ថាន និងសង្គមទាំងមូល។

(1) សម្រាប់ព័ត៌មានបន្ថែម https://www.michelin.com/en/sustainable-development-mobility/working-towards-sustainable-mobility/

(2) ចាប់ពីការផ្គត់ផ្គង់វត្ថុធាតុដើម ដំណើរការផលិតកម្ម រហូតទៅដល់ការប្រើប្រាស់និងដំណាក់កាលនៃការកែច្នៃប្រើប្រាស់ឡើងវិញ

(3) ការចាប់ហ្រ្វាំងនៅលើផ្លូវសើមសើមនៅស្ថានភាពសឹក - ការធ្វើតេស្តខាងក្រៅធ្វើឡើងដោយសេវាផលិតផល TÜV SÜD Product Service, តាមសំណើរបស់ Michelin, នៅចន្លោះពី 80-20 kph, ក្នុងខែមិថុនា ឆ្នាំ2021, នៅលើសំបកកង់ទំហំ 205/55 R16 91V លើ VW Golf 8 (សឹកមានន័យថាសឹកដោយម៉ាស៊ីន (នៅមាំ) ដល់ជម្រៅនៃសន្ទស្សន៍សឹកក្រឡាកង់ ស្របតាមបទប្បញ្ញត្តិរបស់អឺរ៉ុប

(4) គីឡូម៉ែត្រចុងក្រោយ ត្រូវបកស្រាយថាជាជម្រៅក្រឡាកង់អប្បបរមា (1.6 mm នៅអឺរ៉ុប)។ សូមមើលជម្រៅក្រឡាកង់អប្បបរមាស្របតាមច្បាប់ នៅក្នុងប្រទេសរបស់អ្នក។ អាចស្វែងរកព័ត៌មានបន្ថែមបាននៅ [www.michelin.country/performancemadetolast - to be adapted localy]

(5) ក្រឡាសំបកកង់ខាងក្រោម ត្រូវបានរចនាឡើងដើម្បីផ្ដល់ជូននូវកម្រិតនៃភាពជាប់ធន់បានយូរ និងដំណើរការរហូតដល់ពេលចុងក្រោយ៖ MICHELIN CrossClimate², MICHELIN CrossClimate 2 SUV, MICHELIN Primacy 4+, MICHELIN e.Primacy, MICHELIN Pilot Sport 4S, MICHELIN Pilot Sport 5, MICHELIN Pilot Sport EV, MICHELIN Pilot Sport 4 SUV, MICHELIN Alpin 6 and MICHELIN Pilot Alpin 5

(6) ការគណនាផ្ទៃក្នុងប្រៀបធៀបនឹងថាមពល MICHELIN (RR>12kg/T) vs MICHELIN e.Primacy និង MICHELIN Pilot sport EV(RR <5kg/T)

(7) "កាកសំណល់ប្រចាំថ្ងៃ"៖ កាកសំណល់ពោត ឈើលែងប្រើ ប្រអប់អាហារ កញ្ចប់ប្លាស្ទិក ដបប្លាស្ទិក...

(8) បរិមាណគណនាសរុបនៃវត្ថុធាតុកែច្នៃប្រើប្រាស់ឡើងវិញរវាងឆ្នាំ2020 និងឆ្នាំ2030 ក្នុងការផ្សំសំបកកង់របស់ខ្លួនដោយមានបំណងដាក់វត្ថុធាតុកែច្នៃប្រើប្រាស់ឡើងវិញ 40% ត្រឹមឆ្នាំ2030។

(9) Michelin ចាត់ទុកវត្ថុធាតុដែលមាននិរន្តរភាពជាវត្ថុធាតុដែលអាចកែច្នៃប្រើប្រាស់ឡើងវិញ ឬជាវត្ថុធាតុមានប្រភពពីជីវសាស្រ្ត ដែលអាចប្រើបង្កើតឡើងវិញបានទៅតាមពេលវេលានៃជីវិតមនុស្ស ហើយមិនមានការប្រកួតប្រជែងជាមួយវិស័យម្ហូបអាហារ។ Michelin ពុំចាត់ទុកវត្ថុធាតុធម្មជាតិ ដែលកើតឡើងវិញបានយូរជាងពេលវេលានៃជីវិតមនុស្សថាមាននិរន្តរភាពទេ ដូចជាប្រេងជាដើម។ ហេតុដូច្នេះហើយ វត្ថុធាតុខ្លះ ទោះមានប្រភពដើមពីរ៉ែធម្មជាតិ ដូចជាសារជាតិស៊ីលីកាជាដើម មិនត្រូវបាន Michelin ចាត់ទុកជា “វត្ថុធាតុដែលមាននិរន្តរភាព” ឡើយ។

(10) ផ្អែកលើតេស្តផ្ទៃក្នុង ប្រៀបធៀបជាមួយសំបកកង់ MICHELIN Primacy 4 235/55R19 105W ក្នុងពេលបច្ចុប្បន្ន នៅលើទីផ្សារ។

(11) វត្ថុធាតុដែលបានកែច្នៃប្រើប្រាស់ឡើងវិញ ជាវត្ថុធាតុដើមដែលបង្កើតឡើងដោយដំណើរការនៃការកែច្នៃប្រើប្រាស់ឡើងវិញ ដែលកាកសំណល់ឧស្សាហកម្ម ឬក្រោយពេលប្រើប្រាស់រួចហើយ ត្រូវបានកែច្នៃទៅជាផលិតផល វត្ថុធាតុ ឬសារធាតុផ្សេងៗបាន។ ការប្រើប្រាស់ថាមពលឡើងវិញ និងការកែច្នៃវត្ថុធាតុឡើងវិញសម្រាប់ការប្រើប្រាស់ជាថាមពល មិនត្រូវបានរាប់បញ្ចូលឡើយ។ (ផ្អែកលើនិយមន័យនៃសារាចរណែនាំរបស់អឺរ៉ុបស្ដីពីកាកសំណល់)។

(12) UPTIS៖ Unique Puncture-proof Tyre System, ជាសំបកកង់គ្មានខ្យល់ ដែលបានបង្កើតឡើងរួមជាមួយ Maxion ដែលជាក្រុមហ៊ុនផ្គត់ផ្គង់ខ្នងកង់សម្រាប់សំបកកង់ UPTIS។

(13) ឆ្លើយតបទៅនឹងម៉ាស់ជាមធ្យមដែលបានថ្លឹងទម្ងន់នៃកង់ខាងមុខ និងខាងក្រោយ ដែលមានវត្ថុធាតុប្រកបដោយនិរន្តរភាព 33% និង 46% រៀងគ្នា។

You are using an unsupported web browser

You are using a website browser that is not supported by this website. This means that some functionnality may not work as intented. This may result in strange behaviors when browsing round. Use or updgrade/install one of the following browsers to take full advantage of this website

MICHELIN TAKES ACTION TO REDUCE ENVIRONMENTAL IMPACT

ការច្នៃប្រឌិតដើម្បីរចនាសំបកកង់ជំនាន់ថ្មី

Motion For Life, Michelin - Performance Made to Last 15s - USA

ប្រឆាំងនឹងកាកសំណល់ តាមរយៈការរចនាសំបកកង់ដែលផលិតឡើងដើម្បីប្រើជាប់បានយូរ

Motion For Life, Michelin - Environment 15s

កាត់បន្ថយការស៊ីសាំង និងការបញ្ចេញឧស្ម័ន CO₂ ពីយានយន្ត

Motion For Life, Michelin - Recycling 15s - USA

ការវិនិយោគលើការកែច្នៃប្រើប្រាស់ឡើងវិញ ដើម្បីកែច្នៃកាកសំណល់ឱ្យទៅជាសំបកកង់

សំបកកង់រចនាបែបធម្មជាតិដំបូងគេរបស់យើង៖ MICHELIN e.Primacy

Vers un pneu durable