សំបកកង់ PORSCHE N-MARKED និង MICHELIN

ចាប់តាំងពីឆ្នាំ 1969, Porsche និង Michelin បានចែករំលែកនូវការចូលរួមក្នុងការរីកចម្រើនលើកម្រិតសមត្ថភាព សុវត្ថិភាព និងភាពរីករាយក្នុងការបើកបរ។

ភាពជាដៃគូនេះបាននាំឱ្យមានការអភិវឌ្ឍរួមគ្នានូវសំបកកង់ដែលត្រូវបានផលិតឡើងជាពិសេស ដើម្បីឆ្លើយតបទៅនឹងស្តង់ដារខ្ពស់របស់រថយន្ត Porsche គ្រប់ម៉ូដែល ដោយធានាថាគ្រប់ការបត់បែន ការបង្កើនល្បឿន និងការបញ្ឈប់រថយន្ត សុទ្ធតែអាចធ្វើទៅបានប្រកបដោយទំនុកចិត្តពេញលេញ។

សំបកកង់ដែលមានសញ្ញា "N" គឺជាលទ្ធផលនៃដំណើរការអភិវឌ្ឍរួមគ្នាដ៏ម៉ត់ចត់រវាងក្រុមហ៊ុន Porsche និងក្រុមហ៊ុនផលិតសំបកកង់ឈានមុខគេដូចជា Michelin។ អក្សរ "N" តំណាងឱ្យ Nürburgring ដែលជាទីកន្លែងសម្រាប់ធ្វើតេស្តសាកល្បងយ៉ាងល្អិតល្អន់លើសំបកកង់ទាំងនេះ។ សញ្ញាសម្គាល់នីមួយៗ (ឧទាហរណ៍៖ NA0, NA1, NA2) គឺត្រូវគ្នានឹងម៉ូដែល និងជំនាន់ជាក់លាក់ណាមួយរបស់រថយន្ត Porsche។

សំបកកង់ប្រតិបត្តិការដែលប្រសើរបំផុតដែលត្រូវបានអនុម័តដោយ Porsche នោះងាយស្រួលសម្គាល់ពីការប្រើពាក្យសម្គាល់ថ្មីៗលើ ជញ្ជាំងរបស់សំបកកង់។ វានេះចៀសវាងការស្មុគស្មាញរវាងសំបកកង់ដែលត្រូវបានអនុម័ត និងសំបកកង់ស្តង់ដាធម្មតា ឬសំបកកង់ដែលមាន N-marked មុន។ សូមប្រុងប្រយ័ត្នដើម្បីធានាថាអ្នកជ្រើសរើសសំបកកង់ Porsche ដែលត្រូវបានអនុម័តស្របនឹងរថយន្ត Porsche របស់អ្នក។

មានតែសំបកកង់ដែលផលិតឡើងជាពិសេស និងមានគុណភាពខ្ពស់បំផុតប៉ុណ្ណោះ ទើបអាចរួមបញ្ចូលគ្នានូវកម្លាំងដ៏ខ្លាំងក្លារបស់រថយន្ត Porsche ជាមួយនឹងកម្រិតសុវត្ថិភាពខ្ពស់បំផុត។

សំបកកង់របស់យើង៖

• ត្រូវបានរចនាឡើងដើម្បីធានាបាននូវចម្ងាយហ្វ្រាំងខ្លី(ចាប់ហ្វ្រាំងឆាប់ជាប់) ក្នុងគ្រប់ស្ថានភាពអាកាសធាតុ,

• សំបកកង់នេះត្រូវបានអភិវឌ្ឍឡើងដើម្បីផ្តល់នូវការ គ្រប់គ្រងចង្កូតបានយ៉ាងល្អ និងមានស្ថិរភាពខ្ពស់បំផុតនៅពេលបើកបរក្នុងផ្លូវកោង,

• វាត្រូវបានផលិតឡើងដោយសម្របតាមប្រព័ន្ធបូម និងឧបករណ៍ស្រូបទប់រំញ័រ (damper),

• ត្រូវបានកែសម្រួលឱ្យដំណើរការបានល្អបំផុតជាមួយប្រព័ន្ធទប់លំនឹង (stabilisers), ប្រព័ន្ធឌីហ្វេរ៉ង់ស្យែល (differentials) និងប្រព័ន្ធគ្រប់គ្រងផ្សេងៗ។

សំបកកង់ MICHELIN ដែលមាន N-marking មិនមែនជាសំបកកង់សមត្ថភាពខ្ពស់ទូទៅទេ។ វាគឺជា​លទ្ធផលនៃការសហការជិតស្និទ្ធជាមួយ Porsche ដើម្បីផ្តល់នូវបទពិសោធន៍បើកបរក្នុងកម្រិតល្អបំផុត ដែលប្ដូរតាមតម្រូវការពិសេសរបស់រថយន្តរបស់អ្នក។

លក្ខណៈពិសេសរបស់ Porsche សម្រាប់សំបកកង់ដែលមានសញ្ញាសម្គាល់ N៖

• បច្ចេកវិទ្យាផ្តាច់មុខ៖ ការលាយបញ្ចូលគ្នាយ៉ាងល្អប្រសើររវាងស៊ីលីកា (silica) និងកាបូនខ្មៅ (black carbon) ដើម្បីបង្កើតតុល្យភាពដ៏ល្អឥតខ្ចោះរវាងការចាប់នឹងផ្លូវបានល្អទាំងក្នុងស្ថានភាពផ្លូវស្ងួត និងផ្លូវសើម,

• សមត្ថភាពខ្ពស់បំផុត៖ សមាសធាតុប្រភេទ UHP ដែលមានកម្រិតកាបូនខ្មៅខ្ពស់ ដើម្បីបង្កើនសមត្ថភាពចាប់នឹងផ្លូវស្ងួតដល់កម្រិតអតិបរមា,

• ការអភិវឌ្ឍពិសេសតម្រូវនឹងប្រភេទរថយន្ត៖ សំបកកង់នីមួយៗត្រូវបានធ្វើតេស្ត និងអនុម័តស្របតាមស្តង់ដាររបស់ Porsche ដើម្បីធានាបាននូវសុវត្ថិភាព ផាសុកភាព និងលក្ខណៈបែបស្ព័រ។

សញ្ញាសម្គាល់នៅលើជ្រុងសំបកកង់ បង្ហាញពីម៉ូដែលរថយន្ត Porsche ដែលសំបកកង់នេះត្រូវបានរចនាឡើងសម្រាប់ជំនាន់របស់វា។ នេះជាអត្ថន័យរបស់សញ្ញាទាំងនោះ៖

• អក្សរបន្ទាប់ពី "N"៖ បង្ហាញពីខ្សែផលិតផលម៉ូដែល

• លេខ៖ បង្ហាញពីជំនាន់សំបកកង់ ចាប់ផ្តើមពី 0។

ឧទាហរណ៍ជាមួយសំបកកង់ MICHELIN Pilot Sport 4 S ដែលមានសញ្ញាសម្គាល់ NA0៖

• N៖ បានយល់ព្រមដោយ Porsche

• A៖ អភិវឌ្ឍសម្រាប់ប្រព័ន្ធមូលដ្ឋាន Porsche 911 (992)

• 0៖ ជំនាន់ទី១នៃសំបកកង់នេះ

សំបកកង់ MICHELIN Pilot Sport S 5 N0 គឺជាការវិវត្តចុងក្រោយបំផុតនៃសំបកកង់សមត្ថភាពខ្ពស់អតិបរមា បង្កើតឡើងរួមគ្នាដោយ Michelin និង Porsche ដើម្បីបំពេញតាមតម្រូវការរបស់អ្នកបើកបរដែលមានតម្រូវការខ្ពស់បំផុត។

រចនាឡើងជាពិសេសសម្រាប់រថយន្ត Porsche 911 GT3 RS។ សំបកកង់នេះជួយពង្រីកលទ្ធភាពនៃការបើកបរលើទីលានប្រណាំង ដោយផ្តល់នូវសមត្ថភាពដ៏ល្អឥតខ្ចោះទាំងក្នុងស្ថានភាពផ្លូវសើម និងអាកាសធាតុត្រជាក់ ដោយមិនប៉ះពាល់ដល់សមត្ថភាពនៃការចាប់លើផ្ទៃផ្លូវស្ងួត ឬភាពងាយស្រួលក្នុងការប្រើប្រាស់ប្រចាំថ្ងៃឡើយ។

កិច្ចសហការរបស់យើងបានចាប់ផ្តើមនៅក្នុងវិស័យកីឡាប្រណាំងរថយន្ត ដែលជាទីកន្លែងដែល Porsche ទទួលបានជ័យជម្នះជាច្រើន និងបានបង្ហាញឱ្យឃើញថា ការរួមបញ្ចូលគ្នាយ៉ាងល្អឥតខ្ចោះរវាងសំបកកង់ MICHELIN និងសមត្ថភាពរថយន្ត អាចជួយពង្រីកដែនកំណត់នៃសមត្ថភាពឱ្យកាន់តែខ្ពស់។ ភាពជាដៃគូដែលពោរពេញដោយការប្តេជ្ញាចិត្តខ្ពស់នៅលើទីលានប្រណាំងនេះ អនុញ្ញាតឱ្យមានការផ្ទេរបច្ចេកវិទ្យាទៅកាន់ការប្រើប្រាស់លើផ្លូវធម្មតា ដែលជាមូលដ្ឋានគ្រឹះសម្រាប់ការអភិវឌ្ឍរួមគ្នានូវសំបកកង់ដែលមានសមត្ថភាពខ្ពស់សម្រាប់ការផលិតជាលក្ខណៈស្តង់ដារ។

Porsche មានកំណត់ត្រាដ៏អស្ចារ្យក្នុងការប្រកួត FIA World Endurance Championship (WEC) ដោយទទួលបានជ័យជម្នះជារួម 17 ដងជាមួយ Porsche 919 Hybrid ចន្លោះឆ្នាំ 2012 និង 2017 រួមទាំងជ័យជម្នះជាប់គ្នា 3 ដងក្នុងការប្រណាំង 24 ម៉ោង Le Mans ដ៏ល្បីល្បាញ ជាមួយសំបកកង់ MICHELIN។

នៅខែកុម្ភៈ ឆ្នាំ 2022 Porsche បានប្រារព្ធជ័យជម្នះលើកដំបូងរបស់ខ្លួនក្នុងការប្រកួត FIA Formula E World Championship នៅទីក្រុងម៉ិកស៊ិកូ ដោយប្រើសំបកកង់ MICHELIN Pilot Sport។

អានប្រវត្តិសហការរបស់ Michelin និង Porsche ក្នុងកីឡាបើកបររថយន្ត (2)

នៅខែសីហា ឆ្នាំ 2020 រថយន្ត Porsche Panamera ដែលបំពាក់ដោយសំបកកង់ MICHELIN Pilot Sport Cup 2 ដែលបានអភិវឌ្ឍជាពិសេសសម្រាប់ម៉ូដែលនេះ បានបើកបញ្ចប់ជុំក្នុងរយៈពេលត្រឹមតែ 7:29:81 នាទី (ក្នុងប្រភេទ "Executive cars")

នៅថ្ងៃទី 14 ខែមិថុនា ឆ្នាំ 2021 រថយន្ត Porsche 911 GT2 RS ដែលបំពាក់ដោយឧបករណ៍ Manthey Performance បានបញ្ចប់ជុំពេញលេញ 20.8 គីឡូម៉ែត្រនៃទីលាន "Green Hell" ក្នុងរយៈពេល 6:43:30 នាទី ដោយប្រើសំបកកង់ MICHELIN Pilot Sport Cup 2 R។

ស្វែងយល់ពី MICHELIN Pilot Sport Cup N4 ដែលអភិវឌ្ឍឡើងក្នុងកិច្ចសហការជាមួយ Porsche និងផលិតនៅប្រទេសបារាំង នៅរោងចក្រ Clermont-Ferrand របស់យើង។ វាផ្តល់នូវបទពិសោធន៍បើកបរដ៏អស្ចារ្យនៅលើទីលានប្រណាំង។

ជាមួយសមាសធាតុកៅស៊ូតែមួយគត់ បច្ចេកវិទ្យា RFID និងរចនាសម្ព័ន្ធច្នៃប្រឌិត វាផ្តល់ជូននូវ៖

• សមត្ថភាពក្នុងគ្រប់ស្ថានភាព

• ការចាប់នឹងផ្លូវបានល្អប្រសើរ ធន់និងប្រើប្រាស់បានយូរនៅលើទីលានប្រណាំង,

• ស្ថិរភាព និងការទ្រទ្រង់កាន់តែប្រសើរ ដើម្បីបង្កើនតុល្យភាពរបស់រថយន្តពេញមួយការប្រណាំង។

មានតែទំហំ 18 អ៊ីញប៉ុណ្ណោះ។